အပြစ်သားလူသားများ၏ မိတ်ဆွေယေရှု

ကျမ်းစာဖတ်ရှုရန်။    ။ ရှင်လုကာခရစ်ဝင် ၁၉း၁-၁၀

တနေ့မှာ လူတွေပြောပြောနေတဲ့မေရှိယဆိုတဲ့ ယေရှုဟာ ယေရိခေါလို့ခေါ်တွင်တဲ့မြို့ကိုခရီးပြုကာ လူတွေနဲ့တွေ့ဆုံခဲ့ ပါတယ်။ သူဟာ ဘယ်သူတွေနဲ့ တွေ့ဆုံခဲ့ပါသလဲ။ အဲ့ဒီမြို့ရဲ့ မြို့မျက်နှာဖုံးလူတချို့နဲ့လား၊ ဖါရိရှဲ ကျမ်းတတ်ပုဂ္ဂိုလ် တွေနဲ့လား။ ထိုသူတွေ တယောက်မှ မဟုတ်ခဲ့ပါ။

သူအဲ့ဒီ မြို့ကိုသွားရတဲ့ အဓိကရည်ရွယ်ချက်ကတော့ လူတွေအမြင်မှာ အပြစ်ကြီးလှပါပြီဆိုတဲ့သူတွေ၊ လူတွေအဖက်မလုပ်ချင်တဲ့သူတွေ၊ လူတွေရဲ့တံတွေးခွက်ထဲ မျောနေတဲ့ ခေါင်းမဖော်အောင်ဖြစ်နေတဲ့သူတွေ၊ မျှော်လင့်ချက်ပျောက်နေတဲ့သူတွေ၊ ဘဝကိုအရှုံးပေးပြီးရေစုန်မျောနေတဲ့သူတွေ အိုပြောရရင် လောကမှာ အပြစ်တကာအကြီးဆုံးကျူးလွန်ထားတဲ့ အပြစ်သားတွေကို သူတွေ့ဖို့ လာခဲ့တာပဲဖြစ်ပါတယ်။

ဒီလိုနဲ့ မြို့ကိုရောက်တဲ့အခါ သူဘယ်သူတွေနဲ့ စတွေ့ခဲ့လဲဆိုတော့…… လူအုပ်ကြီးတွေရဲ့တဖက်တချက်မှာ သိသိသာ သာသစ်ပင်ပေါ်မှာခပ်သေးသေးပုပုနဲ့လူတယောက်သစ်ပင်ပေါ်မှာထိုင်ပြီးသခင်အလာကိုမျှော်လင့်တကြီးနဲ့ စောင့်မျှော် နေတာကို သခင်ယရှုဟာ သတိထားမိသွားတယ်။ ဒါနဲ့ အဲ့ဒီလူရဲ့ နာမည်က ဇက္ကဲ လို့လူအများကခေါ်ကြတယ်။ ဇက္ကဲဆို တဲ့သူဟာအခွန်ခံတယောက်လည်းဖြစ်တယ်။ ထိုအချိန်အခါက အထူးသဖြင့်အဲ့ဒီမြို့မှာ အခွန်ခံဆို လူတွေက တော်တော်ရွံမုန်းပြီး အဆက်အဆံမလုပ်ချင်ကြဘူး တနည်းအားဖြင့် မိတ်ဆွေသူငယ်ချင်းမဖွဲ့ချင်ကြဘူး။ ဒါပေမဲ့ သခင်ကတော့ ရည်ရွယ်ချက်ရှိရှိနဲ့ကို ဇက္ကဲရှိနေတဲ့ သစ်ပင်ပေါ်မော့ကြည့်ပြီး နာမည်နဲ့တကွခေါ်ပြီး ဇက္ကဲ ဆင်းလာခဲ့ ယနေ့ သင်အိမ်မှာတည်းမည်ဟုပြောလိုက်ပါသည်။ တနည်းအားဖြင့် လူတွေအဖက်မလုပ်ချင်တဲ့ မိတ်မဖွဲ့ချင်တဲ့ ဇက္ကဲကို အဖက်လုပ်ရုံမက မိတ်ဆွေဖွဲ့ချင်သည်ဟု ပြောလိုက်တာပဲဖြစ်ပါတယ်။