ခရစ်တော်
ပထမအာဒံ
သခင့်စကားကို မနာခံ
အကျိုးဆက်က အပြစ်ဒဏ်
ဆွဲချွတ်ဖို့မဟန်
လူသားရဲ့အစ အာဒံမှ
ဝင်ရောက်ခဲ့ အပြစ်တွေက
ခိုးခြင်းနှင့်ဖျက်ဆီးခြင်း သာဓက
စာတန်ရဲ့သဘောသဘာဝ
ဒီကျိန်ခြင်း အမင်္ဂလာ
ဘယ်မှာလဲ လွတ်မြောက်ရာ
အိုလူသား မတတ်နိုင်ပါ
လမ်းပျောက်၍သာ
နောက်ဆုံးသော အာဒံ
ဖြောင့်မတ်ခြင်း အစေခံ
မျက်မြင်မရသော ဘုရား၏သဏ္ဍာန်
ဆင်းသက်ခဲ့အမှန်
ထိုသူသည် ဘုရားသား
ဆင်းကြွခဲ့ ဤမြေပေါ်အား
ဧမာနွေလ အတူရှိသောဘုရား လူသားတို့အနီးအနား
လောကဝမ်းမြောက်ကြွေးကြော်
ဆူးပင်မနှောင့်ယှက်လို့ပျော်
ပေးဆပ်ခဲ့ အဖိုးထိုက်အသွေးတော်
ကယ်တင်ရှင်တို့ရဲ့ ခရစ်တော်